Orestes Comunica cumpre 5 anos. 🎉🎉 Os 5 primeiros. Cun equipo de 5 persoas. E con operacións en 5 países. Sabes con qué 5 palabras celebramos o noso aniversario?

📈MEDRAMOS

Ao comezo, cero clientes, claro. Entón conseguimos unha encarga, e logo outra… Despois medrou o equipo, e logo máis. As risas, as preocupacións e as ganas de seguir medrando.

📚APRENDEMOS

Aprendemos dos acertos, pero sobre todo aprendemos dos erros. Aprendemos con cada unha das organizacións coas que traballamos.

🌍CHEGAMOS

A Portugal, a Colombia, a Lituania e a Letonia. En 5 anos, facturamos en 5 países diferentes e seguiremos chegando a novos territorios. Gústanos traballar da man de partners doutros países.

📲CREAMOS

En cada proxecto. Na xestión da empresa. Na adaptación ás circunstancias. E no deseño do equipo.

👥AGRADECEMOS

Grazas é unha das nosas palabras favoritas. Grazas a todas aquelas persoas e organizacións coas que traballamos en rede. Algunhas son proveedoras e outras son clientas. Todas e todos son que nos acompaña no camiño e grazas a elas, e a eles, chegamos ata aquí.